Breaking News, अफगानिस्थानमा एक नेपालीको गोलीहानी हत्या आखिर किन ? होला पुरा समाचार पढ्नुहोस्
धरानः अफगानिस्थानको कावुलमा एक नेपालीको गोलीहानी हत्या भएको छ ।
सुनसरीको धरान उपमहानगरपालीका ११ स्थित शान्ति चोक सिर्जना मार्ग घर भएका मिनबहादुर राईको चारदिन अगाडि गोली हानी हत्या गरिएको हो ।
भारतीय सेनाबाट अवकास प्राप्त भएपछी वैदेशिक रोजगारीको सिलसिलामा अफगानिस्थानको कावुल स्थित आइडिजि सेक्युरिटी लिमेटेडमा सुरक्षा गार्डका रुपमा काम गरिरहेका थिए ।
अज्ञात समूहले हानेको गोली हानी मिनबहादुरको मृत्यु भएको छिमेकी उपेन्द्र चाम्लिङले जानकारी दिए। मिनबहादुरको मृत्युको खबर सुनेपछी उनकी श्रीमती विमला राई र छोरा संजय र छोरी सनिता सहित आफन्तजन शोकमा डुबेका छन्।
मिनबहादुरको हत्याको वारेमा विद्रोहिको गोली प्रहारबाट मृत्यु भएको दाबी गरिए पनि अफगानिस्थान सरकारले हत्याको कारण बारे केही खुलाएको छैन् ।
भोजपुरको छिनामखु गाविस घर भएका मिनबहादुर भारतीय सेनाको जागिरबाट अवकास पाएपछि धरानमा घर बनाएर परिवार सहित बस्दै आएका थिए ।
उनी दुइ बर्ष अगाडि ललितपुरको युनिभर्सल कनेक्सन प्राली नामको म्यानपावर मार्फत् अफगानिस्तान गएका थिए । मेन पावरका प्रशासकीय प्रबन्धक भोगेन्द्र गुरुङले मिनबहादुरको शव नेपाल ल्याएर परिवारलाई जिम्मा लगाउने प्रयास भैरहेको जानकारी दिए ।