नाकाबन्दी हुनुमा नेपाल र भारत दुबै दोषी छन्ः अशोक मेहता
बुधबार राजधानीमा नेपाल–भारत सम्बन्धबारे एक अन्तरक्रिया कार्यक्रममा बोल्दै उनले जसले नाकाबन्दी गरेको भएपनि अहिले भएको नाकाबन्दी नै हो भन्दै यसो हुनुमा नेपाल र भारत दुबै दोषी भएको बताए ।
उनले नाकाबन्दी तोड्दै आफू नेपाल आइपुगेको भन्दै अब नाका खुलाउन दुबै पक्षले पहल गर्नुपर्नेमा जोड दिए ।
सन् १९५० मा भएको शान्ति तथा मैत्री सन्धी यताका सबै महत्वपूर्ण परिवर्तनमा भारतको कुनै न कुनै भुमिका रहेको बताउँदै पछिल्लो परिवर्तनमा समेत भारतको शुभेक्षा आवश्यक भएको उनले बताए ।
पछिल्लो समय नेपालमा भारतविरोधी भावना बढेकोप्रति संकेत गर्दै मेहताले नेपालमा बढी भावनात्मक बहस भइरहेको बताए । नेपालीहरुले भावनामा बहकिएर धारणा बनाउने गरेका कारण समेत समस्या समाधानमा जटिलता थपिने गरेको उनको भनाई छ ।
भारतको सुरक्षा चासोमा कुनै परिवर्तन नभएको भन्दै मेहताले त्यसलाई १९५० को सन्धिका कारण खुला रहेको नेपाल भारत सीमा र चीनलाई जोडेर हेर्नुपर्ने उनको भनाई थियो ।
सो अवसरमा भारतले नेपालको हरेक समस्यामा साथ र सहयोग गर्दै आएपनि सधै आलोचना हुने गरेको समेत मेहताले गुनासो गरेका थिए ।source:ratopati